Alimentar jetispewshiligi hám aqıbetleri

Ekonomikalıq jaqtan rawajlanǵan mámleketlerde artıqsha awqatlanıw menen baylanıslı kesellikler: semizlik, A hám D gipervitaminozları, sonday-aq etiologiyasında artıqsha awqatlanıw áhmiyetli rol oynaytuǵın kesellikler, máselen, ateroskleroz kóbeyip barmaqta. Jer sharınıń belgili bir aymaqları ushın suw hám azıq-awqattıń ximiyalıq quramınıń ózgesheliklerine baylanıslı kesellikler, atap aytqanda, biogeoximiyalıq provinciyalarda topıraqlarda yod, ftor, cink, selen jeterli bolmaǵan yamasa ftor, molibden hám basqa da mikroelementler kóp bolǵan jaǵdaylar úlken áhmiyetke iye.