Zamonaviy ta’lim tizimida bolaning uyg’un rivojlanishini ta’minlash uchun nafaqat maktab, balki oila va mahalla ham faol ishtirok etishi zarur. “Oila, mahalla bilan olib boriladigan ijtimoiy pedagogik faoliyat” mavzusining dolzarbligi shundan kelib chiqadiki, boshlang’ich sinf o’quvchisi shaxsining shakllanishida bu uchta ijtimoiy institut - maktab, oila va mahalla - o’zaro mushtarak va izchil hamkorlik qilmog’i lozim. Ushbu uch tomonlama hamkorliksiz zamonaviy ta’lim-tarbiya jarayonida to’liq samaradorlikka erishish mumkin emas.