Kurs ishi doirasida rele himoyasi va avtomatika qurilmalarining tarkibiy qismlari, ularning elektr ta’minoti tizimlarida qo‘llanilishi, ulanish sxemalari va parametrlarini hisoblash usullari o‘rganiladi. Rele himoyasi energosistemadagi shikastlanishlarni avtomatik ravishda aniqlab, ularni sistemadan ajratish uchun ishlatiladi. Asosiy vazifa – elektr ta’minoti tizimining normal va xavfsiz ishlashini ta’minlash, qisqa tutashuvlarni aniqlash, jarayonlarni boshqarish va zudlik bilan javob choralarini qo‘llashdir. Kurs ishi talabalarni releli himoya, avtomatika va telemexanika qurilmalarining ishlash prinsiplarini o‘rganishga va mustaqil hisoblash va texnik loyihalar bajarishga yo‘naltiradi.